Астана Тазалык
Астаналықтармен бірге Мемлекеттік рәміздеріміз туралы білімдерін сынап көрдік! 📚
Көшеде арнайы сауалнама ұйымдастырып, Ту, Елтаңба және Әнұран жайлы 100 адамға сұрақтар қойдық.
🎁 Дұрыс жауап берген азаматтарға естелік сыйлықтар тарту еттік!
#РәміздерКүні #Қазақстан #Астана #МемлекеттікРәміздер #Патриотизм
https://www.instagram.com/reel/DKeXopCNW99/?igsh=MXBpajYydm4ybnUzcg==
«Астана Тазалық» қызметкерлерінің балалары арасында өткен байқау өз мәресіне жетті.
Халықаралық бал
аларды қорғау күні қарсаңында «Астана Тазалық» ЖШС ауласында әдеттегіден өзгеше көңіл-күй сезілді. Балалардың күлкісі, түрлі түсті қарындаштармен салынған суреттер көрмесі, мақтанышқа толы ата-аналар… Бұл – мекеме қызметкерлерінің балалары арасында ұйымдастырылған сурет байқауының қорытынды шарасы өтуде.
Байқау мамыр айының басында жарияланған. Ұйымдастырушылардың айтуынша, шараның басты мақсаты – балаларды тазалық пен экологиялық мәдениетке баулу.
«Біз әрқашан еңбектің артында отбасы, бала-шаға тұрғанын жақсы түсінеміз. Осы байқау арқылы балаларға назар аударып, олардың шығармашылығын дамытқымыз келді», – дейді кәсіподақ төрайымы Сымбат Какимова.
Байқауға 100-ден
астам бала қатысып, 200-ден аса сурет келіп түскен. Әрбір жұмыс – автордың тазалық, қоршаған ортаны қорғау туралы түсінігінен туған шынайы шығарма.
«Менің суретімде Астана тап-таза. Көшеде қоқыс жоқ, бәрі тәртіппен жүр. Тазалық сақшылары өз жұмыстарын атқаруда. Мен болашақта да қаламыздың таза болғанын қалаймын», – дейді бас жүлде иегері, Ғабдуали Алимансур.
Жеңімпаздарға арналған сыйлықтар да лайықты болды. Бас жүлде — iPhone смартфонын иеленсе, басқа да жүлдегерлерге ойын консолі, велосипед және оқу құралдары тарту етілді.
Ата-аналар бұл бастаманы үлкен ризашылықпен қабылдады. Олардың пікірінше, мұндай шаралар балалардың шығармашылық қабілетін ғана емес, әлеуметтік жауапкершілігін де арттырады.
«Ұлым қоқыс
жайлы ойланып сурет салып жатқанына алғашында таңғалдым. Енді өзі көшеде бөтелке көрсем, көтеріп қоқыс жәшігіне тастайық дейді», – дейді қатысушының анасы.
Ұйымдастырушылар бұл байқауды дәстүрге айналдыруды көздеп отыр. Себебі тазалық тек ересектердің емес, балалардың да көзқарасынан басталатынына тағы бір мәрте көз жетті.
Балаларға базарлық мұнымен аяқталған жоқ. Бүгін «Астана Тазалық» ЖШС қызметкерлерінің балалары Play Ville ойын-сауық орталығына саяхаттады. 200-ден астам бүлдіршін мерекені тойлап қана қоймай, жаңа достар тапты.
«Астана Тазалық» ЖШС баспасөз қызметі
«Астана Тазалық» ЖШС БАҚ өкілдері мен блогерлер арасында байқау жариялайды. Жалпы жүлде қоры 4 миллион теңгені құрайды.
«Таза Қазақстан – Таза Астана» байқауы республикалық «Таза Қазақстан» экологиялық акциясы мен Астана күніне орай ұйымдастырылады.
Байқаудың мақсаты – Мемлекеттік «Таза Қазақстан» экобағдарламасы аясында Астана қаласының, оның маңындағы елді мекендердің санитарлық жағдайын қамтамасыз ету, қоқыстарды жинау және шығару (көшелерді, жолдарды, алаңдарды, тротуарларды, жүретін жолдарды және басқа да қоғамдық орындарды қолмен және механикаландырып тазалау); «Астана Тазалық» қызметінің қалыптасуы, дамуы, жетістіктері мен келешегі туралы айту, сондай-ақ, қалада күн сайын тазалық пен тәртіпті қамтамасыз ететін, Жұмысшы мамандықтар жылы аясында кәсіпорын қызметкерлеріне ерекше назар аудару қажет.
Байқауға қазақстандық бұқаралық ақпарат құралдарының журналистері мен блогерлер қатыса алады.
Байқау келесі номинациялар бойынша өткізіледі:
Байқауға 2025 жылғы 15 мамыр мен 30 маусым аралығында мемлекеттік немесе орыс тілінде шыққан жұмыстар қабылданады. Байқауға ұсынылатын жұмыстар саны шектелмеген.
Жұмыстарды тәуелсіз комиссия бағалайды. Комиссия құрамына коммуналдық сала мамандары мен тәжірибелі журналистер кіреді. Қазылар алқасы төмендегі критерийлерге сүйене отырып бағалайды:
Байқауға қатысу үшін материалдар келесі электронды пошта арқылы қабылданады: astana_tazalyk@mail.ru. Байланыс нөмірі: +7 700 259 2188.
Жұмыстарды қабылдау уақыты: 2025 жылғы 30 маусым, сағат 18:00-ге дейін (Астана уақытымен).
Байқау қорытындысы 2025 жылғы 3-4 шілде аралығында жарияланады.
Жалпы жүлде қоры – 4 миллион теңге.
«Астана Тазалық» ЖШС баспасөз қызметі
Бүгін елордада Дін істері жөніндегі басқарманың қолдауымен «Qamqor-Astana» қоғамдық қоры Наурызнама тұжырымдамасы аясында 18 наурыз – Ұлттық киім күніне орай «Ашық алаң» ақпараттық-түсіндіру акциясын ұйымдастырды.
Бұл игі шара
ұлттық құндылықтарды дәріптеу мен халықтың рухани мәдениетін нығайтуға бағытталды. Акция аясында елорданың тазалығына жауапты « Астана Тазалық» қызметкерлері де белсенділік танытып, ұлттық дәстүр мен киім үлгілеріне қатысты танымдық викторинаға қатысты. Қатысушылар қазақтың ұлттық мұрасы жөніндегі сұрақтарға жауап беріп, өз білімдерін сынады. Жеңімпаздар арнайы сыйлықтармен марапатталып, іс-шара ерекше әсерге толы болды.
Ұлттық киімді ұлықтау арқылы халықтың тарихи жады мен мәдени құндылықтарын жаңғыртуға бағытталған бұл бастама көпшіліктің көңілінен шығып, жылы қабылданды.
Мемлекет басшысы Қасым-Жомарт Тоқаев 2025 жылды «Жұмысшы мамандықтарының жылы»- деп жариялағаны баршаға мәлім. Мұндағы мақсат жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттау.
Наурыз айының 
6-11 аралығында Италияның Лидо ди Езоло қаласында өткен әлем кубогынан қазақстан құрамасы қатысты. Аталмыш жарысқа 46 мемлекеттен 429 спортшы қатысып, жүлдеге таласты.
Сол жеңімпаздардың арасында біздің «Астана Тазалық» мекемесінде абыройлы жұмыс істеп жүрген Бибарыс Сауханбек те қола жүлде иегері атанып отыр.
Бибарыс Сауханбек – Кикбоксингтен халықаралық дәрежедегі спорт шебері.
Кикбоксингпен айналысқанына 14 жыл болды.
Жетістіктері:
Сонымен қатар, бірнеше халықаралық және республикалық турнирлердің жеңімпазы.
Осындай, үлкен жетістіктері бар жас спортшыны марапаттау үшін, «Астана Тазалық» мекемесінің Бас директоры Замир Садықұлы Бибарыстың иығыңа шапан жауып, пәтер кілтін алуға 10 млн теңгеге сертификат сыйлады.
Сонымен қатар, «Астана Тазалық» мекемесінде арнайы техника жүргізушісі болып қызмет атқаратын әкесі – Кенжежан Сауханбекұлына еліне деген патриоттық сезімі бар тұлға тәрбиелегеніне алғыс айтып, алғыс хат ұсынды.
Бибарыстың ағасы, Сауханбек Жансерік Кенжежанұлы да «Астана Тазалық» мекемесінде қызмет етеді және жастайынан еркін күреске қатысып, түрлі республикалық жарыстардың жүлдегері атанды.
Жұмыстың жаманы жоқ, кез келген еңбек – қадірлі. Ең бастысы, әркім жауапкершілікті терең сезініп, өз міндетін сапалы атқаруға тиіс. Сонда ғана еліміз дамудың сара жолына түседі.
«Астана Тазалық» баспасөз қызметі: +7 700 259 2188 – Қымбат
Қыс мезгілі басталғанда, қала көшелерін тазалау жұмыстары күрделене түседі. «Астана Тазалық» компаниясы Сарыарқа ауданындағы қар тазалау жұмыстарын сапалы әрі тиімді атқарып келе жатқан бригадаларының еңбекқор қызметкерлерін мақтан етеді. Бұл жұмыс ауыр әрі күнделікті атқарылатын жауапкершілікті талап етеді. Сарыарқа ауданының қолмен тазалау шебері Гүльнара Қыдырбайқызының басшылығымен 23 адамнан тұратын бригада өз ісін мінсіз орындап келеді.
Гүльнара Нұрмышева бұл жұмыстың қаншалықты қиын екенін, бірақ оның мәні мен маңызын түсінетіндерін айтады. Оның айтуынша, күн сайын бригада мүшелері 200-220 текше метр қар шығарып, Сарыарқа ауданындағы үлкен аумақтағы көшелерді тазалайды. Олар өздеріне жүктелген міндетті үлкен жауапкершілікпен атқарады, себебі қар тазалау жұмыстарын тек қана физикалық күшпен орындап қана қоймай, қаланың барлық тұрғыны үшін қауіпсіз және ыңғайлы орта құру да олардың басты мақсаты.
Бұл жұмыс тек қарды тазалап қоюмен шектелмейді. Әрбір көшені, әрбір жолды таза әрі жүріп-тұруға ыңғайлы ұстау үшін қызметкерлер арнайы құралдармен, техникамен де жұмыс істейді. Мұндай жұмыс кез келген уақытта ауа райы күрт өзгергенде өте қиын болуы мүмкін, бірақ «Астана Тазалық» компаниясының қызметкерлері бұл қиындықтарды еңсере отырып, қаланың тазалығын қамтамасыз етеді. Күн сайын мыңдаған қала тұрғыны мен қонағы үшін таза және қауіпсіз орта қалыптастыру – олардың негізгі міндеті.
Гүльнара Нұрмышева: «Біз күн сайын жұмысымызды сапалы орындау үшін бар күшімізді саламыз. Қар шығару – бұл өте ауыр жұмыс, бірақ қаланың таза әрі қауіпсіз болуы үшін жұмыс істеймін. Біз тек қар тазалап қана қоймай, жолдарда пайда болуы мүмкін қиындықтардың алдын алуға да тырысамыз. Біздің жұмыстың нәтижесі қала тұрғындарының қауіпсіздігіне және жолдардың тазалығына тікелей әсер етеді.»
Компанияның басты мақсаты – қала тұрғындары үшін таза және қауіпсіз орта жасау. «Астана Тазалық» компаниясы өз қызметкерлерінің қажырлы еңбегін жоғары бағалап, олардың еңбегін құрметтейді. Қаланың тазалығына жауапкершілікпен қарайтын әрбір қызметкердің еңбегі өте құнды, себебі олар тек қана қаланың тазалығын сақтап қана қоймай, халықтың денсаулығына да өз үлестерін қосады.
Компанияның барлық қызметкерлері қаланың таза әрі қауіпсіз болуы үшін күрделі жұмыстар атқара отырып, астанамыздың көркін сақтап, өздері үшін және қала тұрғындары үшін мақтаныш сезімін оятады. «Астана Тазалық» өзінің барлық қызметкерлеріне, оның ішінде қар тазалау жұмыстарына жауапты бригадаларға үлкен алғыс білдіреді. Қаладағы тазалық пен қауіпсіздікті сақтауда олардың қажырлы еңбегі ерекше маңызды.
«Астана Тазалық» компаниясы астанамыздың таза әрі көрікті болуына өз үлестерін қосып жүрген ерлер мен әйелдерге үлкен құрмет көрсетеді. Компанияда еңбек етіп жүрген Татьяна сияқты әйелдер қаланың тазалығын қамтамасыз ету жолында маңызды рөл атқарады. Татьяна осы компанияда бес жылдан бері жұмыс істеп келеді және оның еңбек күнінің басталуы таңғы сағат 6-дан басталып, түскі 3-те аяқталады.
Татьяна өз жұмысын оңай емес деп санайды, бірақ компанияның қолдауымен ол жұмысын жақсы атқарады. Оның айтуынша, жұмыстың қиындықтарына қарамастан, жалақының уақытылы төленуі мен сыйақылар, сондай-ақ Жаңа жылда арнайы сыйлықтар оның көңіл-күйін көтереді. Компания қызметкерлеріне жұмысқа арнайы көлікпен жеткізілу мүмкіндігін ұсынады, бұл да жұмыстың ыңғайлылығын арттырады.
«Астана Тазалық» компаниясында әйелдер тек қоқыс пен қар тазалап қана қоймай, арнайы техникада да жұмыс істейді. Мысалы, олар JSB тракторын жүргізіп, қаланың әр бұрышында тазалық жұмыстарын жүргізеді. Бұл жұмыс өте жауапкершілікті және техникалық білімді қажет етеді, сондықтан компания қызметкерлері өздерінің қаланың тазалығына қосқан үлестерімен мақтанады.
«Астана Тазалық» қызметкерлерінің еңбегі астанамыздың таза болуына маңызды үлес қосып отыр. Күн сайын мыңдаған қала тұрғыны мен қонағы үшін ыңғайлы әрі таза орта жасалуда. Компанияның әр қызметкері өз ісін адал атқарып, қаланың көркін сақтау үшін бар күшін салады.
Компания қаланың тазалығына үлес қосып жүрген қызметкерлеріне үлкен алғыс білдіреді. Олардың қажырлы еңбегі қала тұрғындары үшін маңызды және бағалы. «Астана Тазалық» компаниясы өз қызметкерлерін бағалап, олардың еңбегін жоғары деңгейде құрметтейді.
Біздің мақсатымыз – таза және әдемі қала!
https://www.instagram.com/reel/DE19f1et0K-/?utm_source=ig_web_copy_link&igsh=MzRlODBiNWFlZA==
“Астана Тазалық” қызметкерлері қаланың магистральді жолдарын, көшелерін, жаяу жүргіншілер өткелдері мен аялдамаларды қардан тазалау, сыпыру, тиеу және қарды полигондарға тасымалдау жұмыстарын жалғастыруда.
Арнайы техника мен жол жұмысшыларын қатар жұмылдыру арқылы, жаңадан жауған қарды уақтылы жинау қамтамасыз етіледі. Бұл жұмыстар барысында мұз ойғыш құралдар мен сапалы күректер пайдаланылады, ал техника қарды тез әрі тиімді тазартуға көмектеседі.
Түнгі ауысымда жұмыс істейтін жол жұмысшылары өз міндеттерін үлкен жауапкершілікпен атқарады. Сарайшық ауданының қолмен жинау шебері Медет Хамитов жұмысшылардың үйлесімді әрекеттері мен кәсібилігі қар тазалау процесінің негізгі күші екенін атап өтті. Олар арнайы құрал-жабдықтардың көмегімен жолдарды қауіпсіз әрі таза күйінде ұстап тұруға барын салады.
✅Сарайшық ауданында да қар тазалау жұмыстары тәулік бойы белсенді түрде жүргізілуде.
Ауа райының қолайсыздығы және қардың мол жаууына байланысты Нұра ауданында түнгі ауысымда күшейтілген режимде “Астана Тазалық” жұмысшыларымен қар тазалау жұмыстары жүргізілді.
Қызметкерлер мен арнайы техниканың үйлесімді жұмысының арқасында негізгі көшелер мен инфрақұрылымның маңызды объектілерін жедел түрде тазартуға мүмкіндік болды.
Қаланың қауіпсіздігін қамтамасыз ету мақсатында ең алдымен аялдамалар мен жаяу жүргіншілер жолдары тазартылып, басты көшелер қардан тазаланады.
-Қазіргі уақытта Сығанақ, Тұран және Қабанбай батыр көшелерінде екі лаповый техника жұмыс істеуде. Тазалау жұмыстарына 14 жол жұмысшысы, 5 жүк тиегіш техника және 8 КамАЗ көлігі жұмылдырылған, – дейді Нұра ауданының түнгі ауысымдағы кезекші бригадирі Аслан Сақтапбергенов.
✅Қар тазалау жұмыстары түнгі ауысымда күшейтілген режимде жүргізілуде, әрі қызметкерлер мен техника барлық қажетті шараларды қабылдап, қала тұрғындарының қауіпсіздігін қамтамасыз етуге бағытталған.
https://www.instagram.com/reel/DEkg4IXNqEj/?utm_source=ig_web_copy_link&igsh=MzRlODBiNWFlZA==
“Астана Тазалық” серіктестігінің қызметкерлерімен 2024 жылдың 6 қарашасынан 2025 жылдың 2 қаңтарына дейін жалпы 547 000 м³ қар шығарылды.
2025 жылдың 1 және 2 қаңтарында жауын-шашынның су баламасы шамамен 5-10 мм-ді құрады, бұл қардың тығыздығына байланысты 5-10 см жаңа жауған қарға сәйкес келеді. Осы екі күннің ішінде 10 000 м³-ден астам қар шығарылды.
Тәулігіне орта есеппен 520 бірлік арнайы техника жұмылдырылды, оның ішінде қар шығаруға арналған 220 самосвал қолданылды. Сонымен қатар, күн сайын 580-нен аса жол жұмысшылары қар тазалау жұмыстарын атқарды.
“Астана Тазалық” қызметкерлері сіздердің жайлылықтарыңыз үшін екі ауысы
мда яғни, 24/7 жұмыс атқаруда.