Author: admin

     Астана қаласының әкімі Жеңіс Махмудұлы Қасымбек “Астана Тазалық” ЖШС жол жұмысшысы Бибігүл Төлегенқызы Мақұлбековаға мемлекеттік ІІІ дәрежелі “Еңбек даңқы” орденін табыстады.

    Республика күні мерекесіне орай ұйымдастырылған шарада қаланың дамуына, көркеюіне және тазалығын сақтау жұмыстарында үлес қосып, еңбек сіңірген әртүрлі саланың бірқатар мамандарына марапаттар табысталды.

    «Еңбек даңқы» орденімен өнеркәсіп, көлік, құрылыс, ауыл шаруашылығы, білім беру, денсаулық сақтау, әлеуметтік қамсыздандыру және басқа да салалардың жұмысшылары мен қызметкерлері кәсіпорындарда, мекемелерде, ұйымдарда жемісті ұзақ жұмыс істегені үшін, сондай-ақ өндірістегі жоғары көрсеткіштері, еңбек өнімділігінің өсуіне және өнім сапасын жақсартуға, ұлттық экономиканың бәсекеге қабілеттілігін арттыруға ықпал еткені үшін марапатталады.

ІІІ дәрежелі «Еңбек даңқы» орденінің иегерлері мәртебесі бойынша «Қазақстанның Еңбек Ері» наградасымен теңестіріледі.

    Бибігүл Төлегенқызы Мақұлбекова – «Астана Тазалық» ЖШС-де 2008 жылдың 1 қазанынан бері қызмет етіп келеді. Негізгі міндеті – «Сарыарқа» ауданы санитарлық тазалау учаскесінде жол жұмысшысы ретінде тазалықты қамтамасыз ету. Жалпы еңбек өтілі – 38 жыл. Қажырлы еңбегінің арқасында жауапты жұмыскер ретінде танылып, қызметіндегі міндеттерін сапалы орындап келеді. Әріптестер арасында да үлкен сый-құрметке ие. 

    Ағымдағы жылдың көктемінен бастап елімізде “Таза Қазақстан” жалпыұлттық экологиялық акциясы өтуде. Акцияның мақсаты – экологиялық мәдениетті қалыптастырып, “адал адам – адал еңбек – адал табыс” құндылығын дәріптеу.

    Бибігүл ханымның бұл жетістігі – ұжымның барша еңбекқор қызметкерлеріне үлгі. Еңбек сүйгіш Бибігүл Төлегенқызы – біздің ұйымның нағыз мақтанышы!

“Астана Тазалық” ЖШС атынан Бибігүл ханымды жаңа жетістігімен шын жүректен құттықтаймыз!

    

#АстанаТазалық #ТазаҚазақстанЭкологиялықАкциясы #АстанаТазаҚала #Экология #ЖасылҚазақстан #РеспубликаКүні #еңбекдаңқытөсбелгісі

«Астана Тазалық» ЖШС-і БАҚ өкілдері арасында жалпы жүлде қоры 3 млн. теңгені құрайтын байқау жариялайды.

       Мемлекеттік «Таза Қазақстан» экобағдарламасы аясында Астана қаласының, оның маңындағы елді мекендердің санитарлық жағдайын қамтамасыз ету, қоқыстарды жинау және шығару (көшелерді, жолдарды, алаңдарды, тротуарларды, жүретін жолдарды және басқа да қоғамдық орындарды қолмен және механикаландырып тазалау); жауын-шашынға қарсы шаралар (жылжымалы сорғы қондырғыларының көмегімен су басқан аумақтардан суды шығару; елді мекендерден шыққан қарды арнайы қала сыртында орналасқан қар үйіндісі полигонына апарып төгу жұмыстары); «Астана Тазалық» қызметінің қалыптасуы, дамуы, жетістіктері мен келешегі туралы айту.

                                                                                                                                                                                   Байқауға қазақстандық бұқаралық ақпарат құралдарының журналистері, жеке авторлар мен блогерлер қатыса алады.

    Байқау келесі номинациялар бойынша өткізіледі:
1) “Үздік телевизиялық материал”;
2) “Әлеуметтік желілердегі үздік жарияланым”;
3) “Баспа басылымындағы үздік мақала”;
4) “Интернет-басылымдағы үздік жарияланым”.

    Жүлде қоры — 3 миллион теңге

    Байқауға 2024 жылғы 7 қазан мен 10 желтоқсан аралығында мемлекеттік немесе орыс тілінде шыққан жұмыстар қабылданады. Байқауға ұсынылатын жұмыстар саны шектелмеген.

     Қазылар алқасының құрамын тәуелсіз комиссия ұсынады, оған қала коммуналдық қызметтер саласындағы сарапшылар мен мамандар және беделді журналистер кіреді. Жұмыстарды бағалау кезінде қазылар алқасы келесі талаптарды негізге алады:
1) берілген тақырыптың өзектілігі және сәйкестігі;
2) тақырыпты ашу тереңдігі және ұсынылған ақпараттың шынайылығы;
3) баяндау стилі;
4) авторлық пайымның бірегейлігі.
Актуалдығы мен тақырыпқа сәйкестігі
Тереңдігі мен дәлдігі
Түпнұсқалығы мен стилі

Байқауға қатысу үшін материалдарды astana_tazalyk@mail.ru электронды поштасына жолдай аласыз.

Байланыс телефоны: +7 (778) 700 4324.

Жұмыстар 2024 жылдың 10 желтоқсанына дейін Астана уақыты бойынша сағат 18:00-ге дейін қабылданады.
Байқау қорытындысы 2024 жылдың 11-13 желтоқсанында шығарылады.

#АстанаТазалық #ТазаҚазақстанЭкологиялықАкциясы #АстанаТазаҚала
#Экология #ЖасылҚазақстан #ЖурналисттерБайқауы

Елордамыз Астананың тазалығы – қоғам мәдениетінің көрінісі. Президент Қасым-Жомарт Тоқаевтың бастамасымен қолға алынған «Таза Қазақстан» акциясы аясында Астана қаласының тазалығына ерекше назар аударылып отыр. Бүгінгі күнде «Астана Тазалық» жауапкершілігі шектеулі серіктестігі қаладағы 226 көшенің тазалығына жауапты.

Биыл 16 жылдық мерейтойын атап өткен кәсіпорын 880-нен астам жүргізуші мен 650-ден астам жол жұмысшысын қамтиды. Олардың жұмысы қала тұрғындарының күнделікті өмірін жеңілдетуге бағытталған.

Жазда қоқыстан, қыста қардан тазалау – осы мекеменің негізгі міндеті. Қыста ауыр климаттық жағдайларға қарамастан жұмыс істеу – нағыз қажырлы еңбек. Және қыс маусымында кәсіпорын өз жұмысын екі есеге күшейтеді.

Тазалық мәдениетін дамыту үшін Астанада әрдайым жаңа шаралар өткізіліп, құрылыс қалдықтарының қала тазалығына әсері қатаң бақылауда. Бүгінде қалада экологиялық таза реагенттер қолданылып, жұмысшылардың еңбек жағдайлары да жақсаруда.

Серiктестiк директорының өндiрiс жөнiндегi орынбасары Ерлан Калымов:

«Қала бойынша ең ірі коммуналдық кәсіпорындардың біріміз. Көшелер мен тас жолдар, тротуарлардың тазалығын сақтау, қоқыстан тазарту, жуу, нөсер жауынға қарсы жұмыстар жүргізу, санитарлық тазалау – біздің міндетіміз. Сол үшін жол жұмысшылары, көлік жүргізушілері, инженерлік-техникалық құрамды, кеңсе мамандары және тағы да басқа қызметкерлерді қосқанда штатта 2000-дай адам еңбек етеді».

Елорда тазалығына жауапты мекеменің жұмысы – қаланың көркі мен тұрғындарымыздың жайлылығын қамтамасыз етудің маңызды бөлігі.

📰 Мақаланың толық нұсқасы:
https://www.astana-akshamy.kz/tang-atpastan-tazalap-koeshelerdi/

#АстанаТазалық #ТазаҚазақстанЭкологиялықАкциясы #АстанаТазаҚала
#Экология
#ЖасылҚазақстан
#АстанаАқшамыГазеті

Журналистер байқауы

Положение о проведении конкурса журналистов 2024

Хабарландыру

Астана қаласының «Алматы» ауданы әкімдігімен, «Алматы» ауданын механикаландырып – қолмен тазалау қызметтері» ашық конкурсына байланысты, «Астана-Тазалық» ЖШС Қазақстан Республикасының кәсіпорындарымен конкурсқа бірлесіп қатысу үшін ынтымақтастықты ұсынады.

 

№1. Лот:  Әлеуетті Өнімберушілер келесі талаптарға сай болуы тиіс:

1. Қажетті материалдық және еңбек қорларының болуы.

    Материалдық қорлары:

• Шағынжүктиегіш – 1 бірлік.
• Шөмішінің сыйымдылығы кемінде: 1,7 м3, алдыңғы жүктиегіші бар – 1 бірлік.
• Жүккөтергіштігі: 14-15 тонналық самосвал – 3 бірлік.

Еңбек қорлары:

Жол жұмысшылары (кем дегенде) – 15 бірлік.

2. «Мемлекеттік сатып алу туралы Заңның» 6-бабында көзделген шектеулердің болмауы.
3. Өнімберуші 6 АЕК асатын салық берешегінің жоқтығы туралы, банкроттық немесе тарату рәсімі туралы мәліметтерді міндетті түрде ұсынады.

Ұсынылатын құжаттардың тізімі:

– біліктілігі туралы мәліметтер

(материалдық және еңбек қорларының тізімі);

– тех.төлқұжаты;

– техниканы жалға алу шарты;

– жүргізушінің еңбек шарты және жеке басының куәлігі;

     Ашық конкурсқа қатысуға ниет білдірушілер құжаттарын Астана қаласының, «Байқоңыр» ауданы, Әл-Фараби даңғылы, 49/2, мемлекеттік сатып алу бөліміне (2-қабатқа) тапсыруы тиіс.

Өтінімдерді қабылдаудың соңғы мерзімі: 2023 жылдың 21 тамызы, сағат 17.00.

 

 

Хабарландыру 

Астана қаласының «Сарыарқа» ауданы әкімдігінің «№2 лот  көшелерді механикаландырып тазалау» бойынша ашық конкурсын өткізуіне байланысты, Қазақстан Республикасының кәсіпорындарымен конкурсқа бірлесіп қатысу үшін «Астана-Тазалық» ЖШС ынтымақтастықты ұсынады.

 

№2 Лот:  Әлеуетті Өнімберушілер келесі талаптарға сай болуы тиіс:

1.Қажетті материалдық және еңбек қорларының болуы.

Материалдық қорлар:

• Жүк көтергіштігі: 14-15 тонналық самосвал – 5 бірлік.
• Жүк көтергіштігі: 20 тонналық және одан жоғары самосвал – 3 бірлік.
• Автогрейдер – 2 бірлік.
• Шөмішінің сыйымдылығы кемінде 1,7 м3 алдыңғы жүктиегіш – 1 бірлік.

 

2. «Мемлекеттік сатып алу туралы Заңның» 6-бабында көзделген шектеулердің болмауы.
3. 3. Өнімберуші 6 АЕК асатын салық берешегінің жоқтығы туралы, банкроттық немесе тарату рәсімі туралы мәліметтерді міндетті түрде ұсынады.

Ұсынылатын құжаттардың тізімі:

– біліктілігі туралы мәліметтер

(материалдық және еңбек қорларының тізімі);

– тех.төлқұжаты;

– техниканы жалға алу шарты;

– еңбек шарты және жұмыскердің жеке куәлігі;

 

Ашық конкурсқа қатысуға ниет білдірушілер құжаттарын Астана қаласының, «Байқоңыр» ауданы, Әл-Фараби даңғылы, 49/2, мемлекеттік сатып алу бөліміне (2-қабат) тапсыруы тиіс.

Өтінімдерді қабылдаудың соңғы мерзімі: 2023 жылдың 22 тамызы, сағат 17.00.

 

 

    

 

Хабарландыру 

Астана қаласының «Сарыарқа» ауданы әкімдігінің «№1 лот  Орталық алаң көшелерін механикаландырып тазалау» бойынша ашық конкурсын өткізуіне байланысты, Қазақстан Республикасының кәсіпорындарымен конкурсқа бірлесіп қатысу үшін «Астана-Тазалық» ЖШС ынтымақтастықты ұсынады.

 

№1 Лот:  Әлеуетті Өнімберушілер келесі талаптарға сай болуы тиіс:

1. Қажетті материалдық және еңбек қорларының болуы.

• Аралас жол машинасы / суару машинасы / соқа және щетка жабдығы бар суару машинасы – 8 бірлік.
• Қозғалтқышының қуаты кемінде: 80 а.к. бар трактор СЩЖ-мен – 5 бірлік.
• Жүк көтергіштігі: 14-15 тонналық самосвал – 5 бірлік.
• Жүк көтергіштігі: 20 тонналық және одан жоғары самосвал – 3 бірлік.
• Автогрейдер – 1 бірлік.
• Алдыңғы жүктиегіш – 3 бірлік.

Еңбек қорлары:

• Жол жұмысшылары (кемінде) – 15 бірлік.

 

2. «Мемлекеттік сатып алу туралы Заңның» 6-бабында көзделген шектеулердің болмауы.
3. Өнімберуші 6 АЕК асатын салық берешегінің жоқтығы туралы, банкроттық немесе тарату рәсімі туралы мәліметтерді міндетті түрде ұсынады.

Ұсынылатын құжаттардың тізімі:

– біліктілігі туралы мәліметтер

(материалдық және еңбек қорларының тізімі);

– тех.төлқұжаты;

– техниканы жалға алу шарты;

– еңбек шарты және жұмыскердің жеке куәлігі;

 

Ашық конкурсқа қатысуға ниет білдірушілер құжаттарын Астана қаласының, «Байқоңыр» ауданы, Әл-Фараби даңғылы, 49/2, мемлекеттік сатып алу бөліміне (2-қабат) тапсыруы тиіс.

Өтінімдерді қабылдаудың соңғы мерзімі: 2023 жылдың 22 тамызы, сағат 17.00.

Хабарландыру 

Астана қаласының «Нұра» ауданы әкімдігінің «Көшелерді ағымдағы күтіп ұстау және тазалау, сондай-ақ қоқыстарды, қарды және құрылыс қалдықтарын шығару қызметтері» бойынша ашық конкурсын өткізуіне байланысты, Қазақстан Республикасының кәсіпорындарымен конкурсқа бірлесіп қатысу үшін «Астана-Тазалық» ЖШС ынтымақтастықты ұсынады.

№1. Лот:  Әлеуетті Өнімберушлер келесі талаптарға сай болуы тиіс:

1.Қажетті материалдық және еңбек қорларының болуы.

    Материалдық қорлар:

• Шағын жүктиегіш – 2 бірлік.
• Шөмішінің сыйымдылығы кемінде: 1,7 м3 алдыңғы жүктиегіш – 2 бірлік.
• Жүк көтергіштігі 14-15 тонналық самосвал – 3 бірлік.
• Самосвалдың жүк көтергіштігі 20 т. және жоғары – 1 бірлік.
• Автогрейдер – 1 бірлік.
• Трактор қозғалтқышының қуаты: 80 а.к. кем емес СЩЖ-мен – 1 бірлік.

Еңбек қорлары:

• Жол жұмысшылары (кемінде) – 15 бірлік.

2. 2. «Мемлекеттік сатып алу туралы Заңның» 6-бабында көзделген шектеулердің болмауы.
3. 3. Өнімберуші 6 АЕК асатын салық берешегінің жоқтығы туралы, банкроттық немесе тарату рәсімі туралы мәліметтерді міндетті түрде ұсынады.

Ұсынылатын құжаттардың тізімі:

– біліктілігі туралы мәліметтер

(материалдық және еңбек қорларының тізімі);

– тех.төлқұжаты;

– техниканы жалға алу шарты;

– еңбек шарты және жұмыскердің жеке куәлігі;

 

 

Ашық конкурсқа қатысуға ниет білдірушілер құжаттарын Астана қаласының, «Байқоңыр» ауданы, Әл-Фараби даңғылы, 49/2, мемлекеттік сатып алу бөліміне (2-қабат) тапсыруы тиіс.

Өтінімдерді қабылдаудың соңғы мерзімі: 2023 жылдың 22 тамызы, сағат 17.00.

«Астана Тазалық» ЖШС суық түссімен жолдар мен көпірлерді тазалаудың қысқы кезеңіне шығады. Күздік-қысқы кезеңге дайындық алғашқы қар жауғанға дейін, алдан ала басталады: арнайы техника жөнделіп, дайындалады, құм-тұздық қоспаның қорын жасауға дайындық жүргізіледі. Техникаға маусымдық -техникалық қызмет көрсету жұмыстары жүргізіледі, қысқы мамандандырылған аспалы жабдық орнатылады. Жауын –шашын болған кезде асфальттық жабындарды жинау көпірлерден, жолдардан, көше қиылыстарынан, аялдамалардан, мектеп және ауруханаларға апаратын жолдардан басталады. «Астана Тазалық» кәсіпорнының барлық көліктері ақаусыз, қысқы уақыттағы жұмысқа толық дайын.
Алдағы қыс кезеңінде қауіпсіз және үздіксіз жол қозғалысын қамтамасыз ету мақсатымен, өзінің 381 бірлік техникасының және 300 бірлік жалға алынатын көлігінің шығуы алдын ала ескерілген. Кәсіпорынның барлық арнайы техникасы GPS-навигация жүйесімен қамтамасыз етілген. GPS-диспетчері де тәулік бойы, үздіксіз жұмыс істеп отырады. Операторлар арнайы техниканың жұмыстарын реттеп, жолдардағы жағдайларға үнемі мониторинг жасап отырады. Сонымен қатар, біз мобильдік қосымшада чат ашып, ол көшелерді жинаудың барлық жұмыстарын бақылап отыруға мүмкіндік берді.
2022 жылы жалпы жинау алаңы: 7,6 млн. шаршы метрді құрайды, оның ішінде қаланың 219 көшесі, әуежай мен теміржол вокзалына дейінгі жолдар; қалалық алаңдар: «Ақ Орда», «Әзірет Сұлтан», «Нұр Астана» мешіттері; көпірлер және т.б. «Астана Тазалық» ЖШС қарамағындағы аудандарда орналасқан Астана қаласы бойынша екі: «Сарыарқа» және «Алматы» базалары бар. «Сарыарқа», «Есіл», «Байқоңыр» және «Алматы» аудандарының қалалық аумақтарын қысқы күтіп ұстау жұмыстарын сапалы ұйымдастыру және жүргізу үшін, іс-шаралар мен бағдарларының тірек сызбалары әзірленді.
Кәсіпорын жұмыскерлерінің жалпы саны: 1 230 адам, қысқы кезеңде жұмыс істейтін жұмыскерлердің саны: 1 800 адамға жетеді. Барлық көліктер жарамды, ақаусыз күйде жұмысқа дайын, жүргізушілер мен механизаторларды қосымша техникаға қабылдап алу үшін, іріктеу жұмыстары жүргізілуде. Бүгінгі таңда аудандардың бөлінісінде Серіктестікке бекітіліп, жиналатын алаңдар: «Алматы» ауданы – 51 %, «Есіл» ауданы – 45%, «Сарыарқа» ауданы – 47%, «Байқоңыр» ауданы – 42% құрайды. «Астана Тазалық» ЖШС 2022-2023 жылдардың қысқы маусымына толық дайын.

2022 жылы 23 және 26 қыркүйекте Астана қаласының ЭТД қызметкерлері қаржы пирамидаларына қарсы алдын ала науқан жүргізу аясында «Астана Тазалық» ЖШС қызметкерлерімен кездесулер өткізді.

Қаржы пирамидаларына қарсы тұру, әрекет жасау тақырыбы «Астана Тазалық» ЖШС қызметкерлерінің үлкен қызығушылығын тудырды. Белгілі болғандай, олардың кейбіреулері алаяқтардың айла-амалдарына тап болған. Зиянкестер «Жеңілдігі бар онлайн-несиелерді», «Төмен пайыздық мөлшерлемемен микроқарыздарды» ресімдейтін, сондай-ақ жылжымайтын мүлік сатып алуды және өз табыстарын, салған ақшалай қаражаттарын 70% – 100% дейін көбейтетін қызметтерді қашықтықтан жасауды ұсынған.

Қаржы пирамидасының негізін қалаушылар инвесторларға жоғары табыстылықты уәде етеді, ал оны ұзақ уақыт бойы қолдап отыру мүмкін емес. Және пирамиданың барлық қатысушыларының алдындағы міндеттемелерін өтеуі мүмкін еместігі алдын ала белгілі.

Қаржылық пирамидалар кез-келген ұйым ретінде шебер жасырылады. Көбінесе олар өздерін инвестициялық кәсіпорын ретінде көрсетеді. Өздерінің жарнамаларында олар: «Болашағы бар бизнес», «Жоғары технологиялық компания», «Инновациялық жоба» деген ұрандарды қолданады. Сондай-ақ, алаяқтар басқарушы компаниялар, тұтыну кооперативтері, букмекерлік кеңселер және т. б. болып жасырынады.

«Әлеуметтік желілер мен мессенджерлерде пирамидалардың саны артып келеді. Сондықтан Сізді әртүрлі чаттарға, әлеуметтік желілердегі жалпы әңгімеге қосылуға шақырғанда сақ болыңыз. Сіз онлайн -пирамидаға кіріп кетуіңіз мүмкін!»,- деп ескертеді А. Асанова.

Егер Сіз пирамиданың құрбаны болып қалсаңыз, дереу Астана қаласының экономикалық тергеу департаментіне, Желтоқсан көшесі, 43 мекен-жайына хабарласуыңызды сұраймыз, телефоны: 87172-76-79-43.

https://www.instagram.com/p/Ci9tbwEKTgj/